ફેસબુકને ટક્કર આપશે ગૂગલ પ્લસ

ન્યૂ યોર્ક : તા. 29, જૂન

ઓનલાઈન સર્ચ એન્જીન ગૂગલે ઈન્ટરનેટ પર ખૂબ જ લોકપ્રિય સોશિયલ નેટવર્કિંગ સાઈટ ફેસબુકને ટક્કર આપવા માટે 'ગૂગલ પ્લ્સ' નામથી એક સાઈટ શરૂ કરવાની જાહેરાત કરી છે.

ગૂગલ એન્જીનિયરિંગના ઉપાધ્યક્ષ વિક ગુંદોતરાએ કહ્યું કે "મારુ માનવું છે કે લોકો ખૂબ જીવંત રીતે સંપર્ક કરે છે. પરંતુ ઉપલબ્ધ ઓનલાઈન સાધન આપણને ખૂબ કઠોર સેવાઓ ઉપલબ્ધ કરાવે છે."

તેમણે કહ્યું કે ઉપલબ્ધ સોશિયલ નેટવર્કિંગ સાધનો દ્વારા નાના જૂથો વચ્ચે પસંદગીની સૂચનાઓનું આદાન-પ્રદાન કરવામાં મુશ્કેલી થાય છે. વર્તમાન સોશિયલ નેટવર્કિંગ સાઈટ ઝીંણવટની મંજૂરી નથી આપતી. લોકો પોતાના સોશિયલ નેટવર્કિંગમાં શ્રેષ્ઠ સુવિધાઓ ઈચ્છે છે કારણ કે ઈન્ટરનેટ દ્વારા સંપર્ક સ્થાપનારા તેના દ્વારા પોતાના તમામ મિત્રો સાથે સંપર્કમાં રહે છે.

ઉદાહરણ તરીકે ફેસબુક ઉપયોગ કરનારા લોકો પોતાની અપડેટને પોતાના મિત્રોના નાના ગૃપ સુધી જ સિમિત રાખવા ઈચ્છે છે જેથી તેના સહ કર્મચારી તેના એકાઉન્ટ પર અપલોડ ફોટોને ન જોઈ શકે અથવા તેના વાલી તેના પર કરવામાં આવેલી અભદ્ર ટીકા ન જોઈ શકે.